“Çelsi” Bakıda – FOTO

UEFA Avropa Liqasının finalında “Arsenal”la qarşılaşacaq “Çelsi”nin futbolçuları mayın 27-də axşam saatlarında Bakıya gəliblər.

Heydər Əliyev Beynəlxalq Aeroportunda komandanı bir qrup azarkeş qarşılayıb. Qarşılanma mərasimindən sonra futbolçular qalacaqları otelə yollanıblar.

***

19:13

İngiltərənin “Çelsi” komandası UEFA Avropa Liqasının final oyunu üçün Bakıya yola düşüb.

Bu barədə London təmsilçisinin rəsmi “Twitter” səhifəsi məlumat yayıb.

“Zadəganlar”ın heyətində zədə səbəbindən finalda oynamayacağı dəqiqləşən Antonio Rüdiger də kollektivlə səfərə çıxan oyunçular arasındadır.

Digər finalçı “Arsenal” isə mayın 25-də Bakıya gəlib.

Qeyd edək ki, Avropa Liqasının finalı mayın 29-da Bakı Olimpiya Stadionunda keçiriləcək .

Reportyor.info