Türkiyə Silahlı Qüvvələri (TSQ) və Azad Suriya Ordusunun (ASO) birgə həyata keçirdiyi “Zeytun budağı” hərəkatı 54-cü gününə qədəm qoyub.
Reportyor xəbər verir ki, hərəkat çərçivəsində Afrinin şəhər mərkəzinin mühasirəsi tamamlanıb. Beləliklə, hərəkatın ikinci mərhələsinə keçid üçün kritik bölgələr ələ keçirilib.
Baş qərargahq “Zeytun budağı” çərçivəsindəki əməliyyatlar nəticəsində 12 mart tarixindən etibarən Afrin şəhər mərkəzinin mühasirəyə alındığını elan edib.
Dinc sakinlərin Əsəd rejiminin nəzarətində olan bölgələrə keçid edə bilməsi üçün təhlükəsizlik koridoru yaradılıb. Koridorun açılması xəbəri dinc sakinlərə mobil telefonlara kürd və ərəbcə göndərilən mesajlarla verilib. Mesajlarda “şəhərin mərkəzini tərk etdikdən sonra təhülkəsizliyinizi TSQ və ASO təmin edəcək” bilgisi də verilib.
PYD/PKK terror təşkilatı isə Afrində “biz buradayıq, şəhəri müdafiə edəcəyik” təxribatları yaradır, şəhərin mərkəzində yeni xəndəklər açaraq torpaqdan sədlər çəkir. Lakin “Zeytun budağı”nın kəşfiyyat komandoları terrorçuların şəhərdaxili kabelsiz, şifrəli xəbərləşmə siqnallarının rahat şəkildə qırıldığını bildirib. Məlumata görə, xüsusilə, Kandildən gələn terrorçu dəstələr toplu şəkildə təslim olmaq niyyətindədirlər.
Hərəkatın 52-ci günündə şimal-şərq və cənub-qərb istiqamətlərində 12 kəndin nəzarətini ələ keçirən TSQ və ASO dünən də qərbdə önəmli irəliləyişlər edib. Daha öncə ələ keçirilmiş Şeyx Hadid bölgəsinin şimal-şərqindəki Mağaracıq və Dərməşkanlı kəndləri terrorçulardan təmizlənib. Beləliklə, TSQ və ASO terror təşkilatının əlində olan tək böyük yaşayış məntəqəsi Mabatlıya daha bir addım yaxınlaşıb. Terrorçulardan təmizlənən ərazi 1102 km olub.
Baş qərargahlıqdan verilən məlumata görə, zərərsizləşdirilən terrorçuların sayı 3393-dür.
Discussion about this post