Ukrayna Prezidenti Vladimir Zelenskinin Polşaya mümkün səfəri gözlənilir.
APA xəbər verir ki, bunu Polşa xarici işlər nazirinin müavini Pavel Yablonski “Radio Wnet” yerli özəl yayım şirkətinə müsahibəsində deyib.
O qeyd edib ki, yaxın zamanda Zelenskinin qısamüddətli səfəri baş tutacaq, lakin bu barədə əvvəlcədən məlumat verilməyəcək:
“Düşünürəm ki, səfər tezliklə baş tutacaq, lakin biz qabaqcadan məlumat verməyəcəyik. Digər dövlət başçılarının səfərləri adətən elan edilir, lakin biz bu səfəri təhlükəsizliyin təmin edilməsi baxımından elan etməyəcəyik”, – nazir müavini deyib.
