Ukrayna prezidenti Vladimir Zelenski xalqa gündəlik müraciətində Bəhmutda döyüşərkən ruslara əsir düşən 106 ukraynalı əsgərin ölkəyə qayıtdığını bildirib.
Zelenski deyib: “Bu gün məhbus mübadiləsi üzərində işləyən komandamızdan daha bir müsbət nəticə əldə etdik. Daha 106 döyüşçümüz rus əsirliyindən qayıdıb. Onlar Bəhmutda döyüşürdülər. Bu 106 nəfər haqqında heç bir məlumat olmayıb və onlar itkin düşmüş hesab ediliblər. Amma biz onları tapıb evə gətirdik. 8 zabit, 98 əsgər və çavuş. Bunu mümkün edən hər kəsə təşəkkür edirəm”.
Ukrayna Dövlət Sərhəd Xidməti (DSX) rəsmi Telegram hesabından məhbus mübadiləsi ilə bağlı açıqlama verib: “Baxmut istiqamətində əsir mübadiləsi baş verib. Ukraynanın 106 müdafiəçisi, o cümlədən Lvov dəstəsinin 7 sərhədçisi əsirlikdən qayıtdı. Vətənimizə, igid döyüşçülərimizə xoş gəldiniz!”
