Sumqayıtın 15-ci məhəlləsində, ASAN Xidmətin yaxınlığında yerləşən qəzalı yataqxana məcburi köçkünlərin məhkum edilmiş yaşayış yeridir. Şəhər icra başçısı Zakir Fərəcov vətəndaşları qəzalı binaya köçürərək onları təhlükəli şəraitdə yaşamağa məcbur edib. Bu barədə Reportyor.info-ya göndərilən video materialda qeyd olunur. Bildirilir ki, Qubadlı və digər ərazilərdən olan məcburi köçkünlər dağılmaq üzrə olan binaya köçürülüb. Sakinlər buna görə icra başçısından narazılıq edirlər. Onların sözlərinə görə, qəzalı binada faciə yaşana bilər. Sakinlər prezidentdən kömək istəyir.
