İtkin düşən 4 yaşlı Zəhra Nizami rayonu ərazisində diləndirilən zaman tapılıb.
Musavat.com xəbər verir ki, iyunun 4-də axşam saatlarında naməlum şəkildə yoxa çıxan Zəhra Bağırzadə bu gün tapılıb.
Zəhranı öz qohumları Nizami rayonunda yerləşən 8-ci kilometr bazarı ərazisində dilənən zaman tapıblar.
Nitqində nisbətən qüsur olan Zəhra baş verənləri hələlik izah edə bilmir.
Tibbi müayinəyə aparılan Zəhranın öz məhəllələrinə yaxın ərazidə yaşayan qaraçılar tərəfindən qaçırıldığı ehtimal edilir.
Musavat.com xatırladır ki, son bir neçə gündə polis şəhərin qaraçılar yaşayan ərazilərində əməliyyat-axtarış işləri aparıb. Biləcəri, Suraxanı, “Vorovski” kimi ərazilərdə kompakt yaşayan qaraçıların evlərinə daxil olaraq, itkin düşən uşağın izlərini axtarmağa cəhd ediblər.
***
Bakıda iki gün əvvəl itkin düşmüş üç yaşlı Zəhra Bağırzadə tapılıb.
Bu barədə “Report”a Sabunçu Rayon Polis İdarəsinin 12-ci Polis Bölməsindən məlumat verilib.
* * *
Bakıda 3 yaşlı Zəhra Bağırzadəninitkin düşməsi ilə bağlı əməliyyat axtarış tədbirləri davam etdirilir.
Hüquq-mühafizə orqanlarından APA-ya verilən məlumata görə, Sabunçu qəsəbəsində 3 yaşlı Zəhra Bağırzadənin itkin düşməsi ilə bağlı məsələ ciddi nəzarətə götürülüb.
İtkin düşən qızıgörən şəxslərin yaxınlıqdakı polis bölməsinə və ya 102-yə müraciət etmələri xahiş olunur.
Qeyd edək ki, iki gün əvvəl Z. Bağırzadə evlərinin qarşısındannaməlum şəraitdə yoxa çıxıb.
