Yunanıstandakı türk azlığı mayın 21-də keçiriləcək seçkidən sonra hədəfdədir.
Ümumi seçkilərdən sonra heç bir partiyanın hökumət qura bilmədiyi Yunanıstan iyunun 25-də yenidən seçkiyə gedir.
“TRT Haber” telekanalında yer alan xəbərə görə, rəqabət qızışdıqca Türk Azlığına qarşı təzyiqlər və təhdid xarakterli bəyanatlar da artır.
Mayın 21-də keçirilən seçkidə Qərbi Trakya bölgəsindən 4 türk millət vəkilinin seçilməsi keçmiş hakim partiya olan Yeni Demokratiyanı narahat edib.
Əvvəlcə partiyanın lideri və keçmiş baş nazir Kiryakos Mitsotakis türk deputatları hədəfə alıb. Daha sonra Mitsotakisin bacısı və Yunanıstanın keçmiş xarici işlər naziri Dora Bakoyanni təhdidlər edib.
Qərbi Trakya səfəri zamanı onlara səs verilməsə, bölgə xalqına yardımı kəsəcəklərini bildirib.
Nəhayət, təhdid edənlərə Yeni Demokratiya Partiyasının sözçüsü Akis Skertsos da qoşulub.
class=”medianet-inline-adv”>
Televiziya proqramında çıxışında azlığı vətəndaş hüquqları ilə hədələyib.
O, SİRİZA-dan namizəd olan Özgür Ferhat və Hüseyn Zeybəkə səs verənlərin Yunanıstan vətəndaşlığı hüququna malik olmayacağını iddia edib.
Təhdidlərdən sonra türk deputatları siyahısına daxil edən SİRİZA lideri Aleksis Tsipras müvəqqəti baş nazir İoannis Sarmas ilə görüşüb. O, ritorikanın milli təhlükələrə səbəb ola biləcəyinə diqqət çəkib.
Qərbi Trakyadakı Türk Dərnəkləri təhdid və irqçi bəyanatlara reaksiya verib.
İskeçe Türk Birliyinin sədri Ozan Əhmədoğlu təhdidlərin qəbuledilməz olduğunu bildirib.
Qərbi Trakya Türk Azlıqları Məsləhət Şurası da təhdid ritorikasının azlıqları təhqir etdiyinə diqqət çəkib. O, bu münasibətin dəyişdirilməsinə ehtiyac olduğunu vurğulayıb.
