Mütəxəssislər bildirirlər ki, yumurtalar zəngin qida olduğu üçün hər gün istehlak edilməlidir.Yumurta alarkən və istehlak edərkən nəzərə alınmalı olan bəzi amillər var.
Reportyor.info CNN Türk-ə istinadən xəbər verir ki, araşdırmaya görə gözdən qaçan və diqqətdən kənarda qalan vərdişlər yumurtaları zəngin bir protein mənbəyinə deyil, zəhərə çevirir. Yumurtanın zəhərə çevrilməməsi üçün təfərrüatları xəbərimizdən öyrənə bilərsiniz. Yumurtanı əvvəlcə karton qutusundan çıxarmayın… Yumurta ən faydalı qidalardan biri kimi seçilir. Yumurtanın faydaları saysız-hesabsızdır. Yumurtaları diqqətlə saxlamaq lazımdır ki, onların qida dəyəri aşağı düşməsin. İnsanların çoxu yumurta alarkən, saxlayarkən və istehlak edərkən nələrə diqqət etməli olduğunu bilmir. Yumurta alarkən, istifadə müddətini yoxlamağı unutmayın. Çatlamış yumurtaları dərhal atın. Yumurta qabığının çirkli olduğunu düşünənlər yumurtaları yuyub soyuducuya qoyurlar. Bu böyük səhvə yol verməyin. Yumurtanı yumaq onu daha zərərli edir. Yumurta aldıqdan sonra onu evə gətirən kimi karton qutudan çıxarmayın! Kartonlar yalnız yumurtanın qırılmasının qarşısını almaq üçün deyil. Onun başqa bir həyati əhəmiyyəti də var. Yumurtanı karton qutusu ilə birlikdə soyuducuya qoyun. Soyuducuda olan qida qoxularının məsamələrdən yumurtaya keçməsinin qarşısını alır.
Bundan əlavə, bişməmiş yumurta qabıqlarında müxtəlif bakteriyalar var. Yumurtaları karton qutularından çıxarsaq, onlar bu bakteriyaları soyuducuda təmasda olduqları müxtəlif qidalara ötürə bilərlər. Beləliklə, yumurtanın təzə və ya köhnə olduğunu necə müəyyən etmək olar? Bunun üçün kiçik bir test edə bilərsiniz. Yumurtanı su ilə dolu böyük bir stəkana atın. Yumurta suya batırılıb üfüqi vəziyyətdə qalırsa, təzədir, yarı üfüqi qalırsa, 8-10 günlükdür, suyun səthinə çıxırsa, bayatdır. Həm də yumurtanı qırdığınız zaman onun təzə olub-olmadığını anlaya bilərsiniz.
Cahan
