Bakının Binəqədi rayonu, 8-ci mikrorayonda yerləşən restoranın təntənəli açılış mərasimi keçirildi. Şəhid analarının göz yaşı qurumadan keçirilirdi bu təntənəli açılış… Tədbirə yüksək vəzifəli məmurlar gəlirdi, bu, bahalı xidməti avtomobillərin nömrələrindən görünürdü. Bu zaman restoranın qapısı bağlı idi, yalnız mühafizəçiyə zəng gəldikdən sonra açılırdı qapılar. Mən oraya “Dəyirman” restoranının Bakının Yasamal rayon İcra Hakimiyyətinin başçısı Elşad Həsənova məxsus olduğu haqqda məlumat əsasında getmişdim.
Restoranın yaxınlığında dəmir hasarın yanında dayanaraq, mühafizəçilərdən müəssisənin sahibinin Yasamal rayon icra başçısı olub-olmadığını və sadə ziyarətçilərin içəri buraxılmamasının səbəbini soruşurdum və həmin zaman kanal13 Facebook səyfəsində canlı yayım çəkirdim”.
Reportyor.info xəbər verir ki, bu sözləri jurnalist Əvəz Hafizli bildirib. Onun sözlərinə görə, restoranın mühafizəçisi xüsusi göstərişdən sonra telefonumu əlimdən alaraq mənə zorakılıq göstərmişdir, köməksiz qalıb digər telefonumla DiN 102 nömrəsinə zəng etdim: “Hadisə yerinə gələn polis əməkdaşları məni və restoran işçilərindən birini Binəqədi Rayon Polis İdarəsinin 5 ci polis bölməsinə apardılar. Orada hər ikimiz yazılı ifadə verdik , hadisənin üzərindən 4 ay keçməsinə baxmayaraq həmin gecə telefonumu zorakılıqla əlimdən alaraq əlimi sındıran, telefonumu alıb geri qaytarmayan şəxs barəsində heç bir qanuni tədbir görülməyib. Telefonu alan bəlli, əlimi sındıran bəlli. Həmin gecə travmatalogiyada əlimi rentgen edib vətərlərin əzildiyini və süyüyün sındığın dedilər, Dərhal gipsə qoyaraq təcili raydım edildi və hadisə barədə rəsmi olaraq ikinci dəfə həkimlər tərəfindən polisə məlumat verildi. Təssüf ki peşə fəaliyyətimə mane olan şəxs barədə heç bir tədbir görmürlər. Görünür Yasamalın icra başçısı Elşad Həsənov məsələni bağladı. Mənimsə ağzımı heç kəs bağlaya bilməyəcək!!!”
