Hakim Yeni Azərbaycan Partiyasının (YAP) bu gün keçirdiyi toplantı növbədənkənar parlament seçkiləri ilə bağlıdır.
Yenisabah.az-a bu barədə məlumat YAP-dakı mənbələrdən daxil olub. Bildirilir ki, toplantıda Azərbaycanda növbədənkənar parlament seçkilərinin keçirilməsi təklif olunub.
Unikal.org-un əldə etdiyi məlumata görə, toplantının təcili keçirilməsinə səbəb, 2020-ci ilin aprel ayında Azərbaycanda növbədənkənar parlament seçkiləri keçiriləcəyi ilə bağlı müzakirələrdir.
Dörd il əvvəl seçilmiş 125 yerlik Azərbaycan parlamentində deputatların başqa vəzifələrə təyin olunması və bir vəfat halı ilə bağlı Milli Məclisdə xeyli boş yer əmələ gəlib.
Belə bir şəraitdə mümkün növbədənkənar seçkilərin keçirilməsi ilə bağlı YAP-ın Siyasi Şurasında qərar qəbul edilib.
Sabah isə Milli Məclisin iclasında hakim partiyanı təmsil edən çoxluq bu barədə məsələ qaldıracaq. Ölkə Prezidentinə növbədənkənar seçkilərin təyin olunması ilə bağlı müraciət qəbul olunacaq.
