“Unibank”ın Müşahidə Şurasının sədri Eldar Qəribovun Fransanın Nitsa şəhərindəki villasının satışa çıxarıb.
Reportyor.info xəbər verir ki, bu barədə Almaniyada yaşayan jurnalist Cavanşir Həsənli sosial şəbəkə hesabında paylaşım edib.
“Eldar Qəribov əsrarəngiz Villefranche bölgəsində yerləşən ultralüks villasını – “Villa Floriana”nı satışa çıxarıb. Villanın satış qiyməti 17 milyon avrodur.
1261 Av. Léopold II, 06230 Villefranche-sur-Mer ünvanda yerləşən “Villa Florian” Fransanın (https://www.residences-immobilier.com/…/annonce-vente…),
(https://search.savills.com/…/imovel…/gbbesmbsm24016), Birləşmiş Ərəb Əmirliklərinin (https://share.google/images/CqEcQpT6GRAkTwar7) Almaniya və Rusiyanın lüks əmlak firmaları vasitəsilə təklif olunur.
Villa Art Deco memarlıq üslubundadır, tam yenilənib və Cap Ferrat yarımadasına yuxarıdan baxan, çox üstün mövqedə yerləşir. Bu tip villalar bölgədə ən bahalı və nadir əmlaklar sırasındadır”, – deyə journalist qeyd edib.
Onun sözlərinə görə, “Villa Floriana” 1920–1930-cu illərin klassik, prestijli memarlıq üslubudur.
Jurnalist daha sonra yazıb: “Villa təpədə yerləşir, nəfəskəsən mənzərəsi, 360 dərəcəlik panoraması var, buradan həm gün doğumu, həm də gün batımı, əsrarəngiz liman və açıq dəniz görünür.
2 600 m² torpaq sahəsi var, ətrafı tamamilə ağaclarla örtülüdür. Villanın hovuzu vizual olaraq dənizlə birləşir, üfüqi sonsuzluq lüks villalarda ən arzu olunan hovuz növüdür.
Ərazisində 6 maşın üçün örtülü parkinq var.
Villa hər biri dəniz mənzərəsinə açılan 4 yataq otağı olan 320 m²-lik əsas tikilidən və xidmətçi personal üçün nəzərdə tutulan evdən, həmçinin 160 m² sahəsi olan qonaq evindən ibarətdir”.
