ABŞ-ın Florida ştatındakı Hollywood Beach Road-da iki qrup arasında baş verən davada silah səsləri eşidilib. Atışma nəticəsində 4-ü 1-17 yaş arası uşaq olmaqla 9 nəfər yaralanıb. Əraziyə polis və həkim briqadası göndərilib. Hadisə yerində ilkin tibbi yardım göstərilib, yaralılar xəstəxanaya çatdırılıb. Yaralılardan birinin əməliyyat olunduğu, digərlərinin vəziyyətinin yaxşı olduğu öyrənilib.
Şəhər kamerasına əks olunan görüntülərdə Anma Günü tətili çərçivəsində intensivliyin yaşandığı çimərlikdə atəş səsini eşidən kütlənin təşviş içində qaçdığı görülüb.
1 NƏFƏR HƏBS OLUNUR
Hollivud meri Coş Levi verdiyi açıqlamada, “Həftə sonu tətillərini ailələri ilə birlikdə çimərlikdə keçirən insanların ictimaiyyətin təhlükəsizliyinə məhəl qoymadan silahlı döyüşlərdə iştirak etməsi ehtiyatsızlıqdan kənardır” dedi. Polisin verdiyi açıqlamada hadisə ilə bağlı 1 nəfərin saxlanıldığı, 1 nəfərin axtarıldığı açıqlanıb.
