“Baxmutun yaxın günlərdə itirilə biləcəyini gözardı edə bilmərik. Bu vəziyyətin müharibədə dönüş nöqtəsi olmayacağını vurğulamaq lazımdır. Bu, Rusiyanı kiçik görməməli olduğumuzu göstərir. Biz Ukraynanı dəstəkləməyə davam etməliyik”.
“AzPolitika.info” xəbər verir ki, bunları NATO-nun baş katibi Yens Stoltenberq İsveçdə Avropa İttifaqı (Aİ) ölkələrinin müdafiə nazirlərinin toplantısında çıxış edərkən deyib.
Stoltenberq, son həftələr Baxmut və ətrafında güclü qarşıdurmaların olduğunu, Rusiyanın bu bölgəyə çoxlu sayda canlı qüvvə səfərbər etdiyini bildirib.
NATO müttəfiqlərinin son bir ildə Ukraynaya 150 milyard avroluq hərbi, maliyyə və iqtisadi dəstək verdiyini bildirən Stoltenberq, bunun 65 milyard avrosunun hərbi dəstək olduğunu qeyd edib.
