İngiltərə kralı III. Çarlzın sabahkı tacqoyma mərasiminə hazırlıqlar sona çatıb. İngiltərədə böyük təsir bağışlayacaq mərasimə London əhalisi böyük maraq göstərir.
Sabah səhər başlayacaq tacqoyma mərasimi üçün paradın keçiriləcəyi ərazidə gözləyən çoxlu sayda ingilis tarixi anın şahidi olmaq xoşbəxtliyini yaşayacaq.
2022-ci ilin sentyabrında Kraliça Elizabetin ölümündən sonra taxta çıxan Kral Çarlzın tacqoyma mərasimindən əvvəl məşqlər tamamlandı.
İngiltərədə iş yerlərində, evlərdə və küçələrdə Kral Çarlzın fotoşəkilləri asılarkən, Bukingem Sarayının ətrafı da bəzədilib və mərasimə hazırlanıb. Tacqoyma hazırlıqlarının bir hissəsi olaraq, Vestminster Katedrali, Big Ben Saat Qülləsi və Parlament Evləri kral ailəsini xatırlamaq üçün nəzərdə tutulmuş şəkillərlə işıqlandırıldı. Londonda tarixi gün üçün fövqəladə təhlükəsizlik tədbirləri görülüb.
Kral Çarlz varis olaraq 64 il gözlədiyi mərasimlə sabah taxta çıxacaq. Kral Bukingem sarayını tərk etdikdən sonra kortejlə 40 dəqiqəlik gəzintidən sonra Vestminster Katedralinə çatacaq və burada mərasimlə tac qoyacaq.
