“Məndə olan məlumata görə tələbələrimiz ev şəraitində hazırlanmış və ya marketdən alınmış konservləşdirilmiş məhsullardan, süd məhsullarından istifadə etdiklərinə görə zəhərləniblər”.
Reportyor.info xəbər verir ki, bunu təhsil eksperti Kamran Əsədov bildirib. Sosial şəbəkədə məsələyə tanınmış müğənni Nura Suri də münasibət bildirib.
Xanım sənətçi insanlara müraciət edərək sağlam qidalanmağı məsləhət görüb: “Dəfələrlə yazmışam səhifəmdə, yeməyimizə diqqət etməliyik. Marketlərdə, restoran və kafelərdə diqqətli olun. Daha çox təbii kənd məhsullarına üstünlük vermək vacıbdir.
Bu qədər xəstə uşaqların sayının artması da qida ilə əlaqəlidir. Məktəbə gedən övladlarımızın çantasına evdə hazırlanmış qida qoymaq lazımdır. Mən hər zaman belə edirəm. Ət, toyuq, yumurta və süd məhsullarını çox istifadə etməyin ya da kəndlərdən ev məhsulları alın.
Mən evimə yalnız dəyirmanda üyüdülmüş un alıram (Gəncə və Bərdədən gətizdirirəm) və çörəyi özümüz bişiririk evdə. Mağazada satılan unun qiymətindən daha sərfəli qiymətədir dəyirmanda üyüdülən un. Süddən özümüz evdə qatıq və kəsmik hazırlayırıq. Vallah, çətin deyil bunları etmək. Özünüzü qoruyun!”
Xatırladaq ki, Bakı Dövlət Universitetinin 2№ li yataqxanasında zəhərlənmə hadisəsi olub. Həkimlər Mətbuat küç. 36 ünvanına çatdıqda otaqda huşsuz vəziyyətdə 3 tələbə qız aşkarlayıblar. Zəhərlənən qızlardan biri ölüb, ikisi isə kritik vəziyyətdə Təcili Tibbi Yardım avtomobili ilə KTM-ə çatdırılıblar.
Zəhərlənərək ölən tələbənin 1999-cu il təvəllüdlü Şəkər Faiq qızı Hasmətova olması müəyyən edilib. Digər iki tələbə – 1998-ci il təvəllüdlü Həmidə İbadova və kitabxanaçılıq fakültəsinin 4-cü kurs tələbəsi Dürrubə Quliyevadır.
