Reportyor.info xəbər verir ki, bunu Daxili İşlər Nazirliyinin Su Nəqliyyatında Polis İdarəsinin brakonyerliyə qarşı mübarizə və balıq ehtiyatları mühafizə bölməsinin rəisi Aydın Şəkərəliyev bildirib.
Onun sözlərinə görə, 2022-ci ilin səkkiz ayı ərzində qanunsuz balıq ovu ilə bağlı 68 fakt müəyyən edilib:
“Bu müddət ərzində Xəzər dənizi akvatoriyasından qanunsuz ovlama ilə bağlı 9 500 kiloqram balıq dövriyyədən çıxarılıb. Eyni zamanda, 21 qayıq tərəfimizdən müsadirə edilib və aidiyyəti üzrə təhvil verilib. Aşkar edilmiş faktlar üzrə təbiətə dəyən ziyan ödənilib”.
A.Şəkərəliyev balıq ovu ilə bağlı əhaliyə müraciət edib:
“Sənaye balıq ovu ilə məşğul olan şəxslər qaydalara əməl etməlidirlər. Kimyəvi, partlayıcı və elektrik cərəyanından istifadə etməklə balıq ovlamaq düzgün deyil. Əhali balıq ovlayan zaman kimyəvi elementlərdən, elektrik cərəyanından istifadə edərkən balıqların kütləvi şəkildə məhv olmasına səbəb olur”./Oxu.az
