Azərbaycan Respublikasında koronavirus (COVID-19) infeksiyasına son sutkada iki yeni yoluxma faktı qeydə alınıb, müalicə alan şəxslərdən beş nəfər sağalıb.
Nazirlər Kabineti yanında Operativ Qərargahdan Reportyor.info-ya verilən məlumata görə, COVID-19 üçün götürülən analiz nümunələri müsbət çıxmış şəxslərdən vəfat edən olmayıb.
Azərbaycanda indiyədək ümumilikdə 831 944 nəfər koronavirus infeksiyasına yoluxub. Onlardan 821 642 nəfər müalicə olunaraq sağalıb, 10 282 nəfər vəfat edib, aktiv xəstə sayı 20 nəfərdir.
Ölkədə son sutka ərzində 329, hazırkı dövrədək isə 7 643 540 test aparılıb.
Onu da qeyd edək ki, son sutkada koronavirus (COVID-19) əleyhinə vaksin vurulmayıb.
