Ötən gün yerli vaxtla saat 19:55 radələrində Somalinin paytaxtı Moqadişonun Lido çimərliyində yerləşən Pearl Beach Hotel terror təşkilatı Əl-Şəbab tərəfindən hücuma məruz qalıb.
Hücumda 6 mülki vətəndaş həyatını itirib, 10-u yaralanıb. Oteldə əməliyyat keçirən təhlükəsizlik qüvvələri içəridə qapalı qalan uşaq, qadın və yaşlı 84 nəfəri xilas edib.
Polisdən verilən açıqlamada “əməliyyat zamanı 3 polisin həyatını itirdiyi” məlumatı paylaşılıb. Bundan əlavə, qarşıdurmada 7 Əl-Şəbab üzvünün öldürüldüyü və 7 saat davam edən əməliyyatın başa çatdığı bildirilib.
Hadisə şahidi Abdirahim Əli partlayış səsi, daha sonra isə güclü atəş səsləri eşitdiklərini ifadə edərək, “Biz Pearl Beach restoranının yaxınlığında olarkən binanın qarşısında şiddətli partlayış baş verdi.
“Mən qaça bildim, lakin daha sonra güclü atəş açıldı və təhlükəsizlik qüvvələri əraziyə axışdı.
