Azərbaycan Respublikasında 2023-cü ilin “Heydər Əliyev ili” elan edilməsi ilə əlaqədar həyata keçirilən silsilə tədbirlərin davamı olaraq avqustun 15-də Siyəzən rayonunda Ulu Öndər Heydər Əliyevin 100 illiyinə həsr olunmuş konfrans keçirilib.
Reportyor.info xəbər verir ki,konfransda Siyəzən və Şabran rayon prokurorluqlarının əməkdaşları, hüquq-mühafizə, eləcə də digər dövlət hakimiyyət orqanlarının nümayəndələri və rayon ictimaiyyəti üzvləri iştirak edib.
Konfrans iştirakçıları əvvəlcə Ümummilli Lider Heydər Əliyevin abidəsi ziyarət edərək, unudulmaz xatirəsini ehtiramla yad edib.
Tədbir başlamazdan öncə Ulu Öndər Heydər Əliyev və vətənimizin azadlığı uğrunda canlarını qurban verən şəhidlərimizin əziz xatirəsi konfrans iştirakçıları tərəfindən bir dəqiqəlik sükutla yad olunub, Azərbaycan Respublikasının Dövlət Himni səsləndirilib.
Daha sonra konfrans iştirakçıları Siyəzən rayonu Heydər Əliyev Mərkəzində Ümummilli lider Heydər Əliyevin zəngin dövlətçilik irsini, həyat və fəaliyyətini özündə əks etdirən eksponat və fotostendlərlə tanış olublar.
Tədbirdə açılış nitqi ilə çıxış edən Siyəzən rayon prokuroru Ramil Əliyev müstəqil Azərbaycan dövlətinin memarı və qurucusu, Ümummilli Lider Heydər Əliyevin xalqımız qarşısındakı tarixi xidmətləri, hüquqi dövlət quruculuğu istiqamətində həyata keçirdiyi uğurlu siyasət barədə çıxış edib.
Daha sonra Şabran rayon prokuroru Cəlaləddin Axundov, Siyəzən rayon İcra hakimiyyətinin başçısı Novruz Novruzov, Siyəzən rayon Ağsaqqallar Şurasının sədri Qəzənfər Nəcəfov Ümummilli Liderin dövlətçiliyin qorunması, iqtisadiyyatın inkişafı, prokurorluq orqanlarına qayğısı, gənclər siyasəti, respublikamıza diqqət və qayğısı barədə çıxışları dinlənilib.
Konfrans iştirakçıları Baş Prokurorluğun təşəbbüsü ilə ərsəyə gəlmiş Ümummilli Liderin xatirəsinə həsr olunan “Böyük şəxsiyyət…3 ştrixdə” adlı sənədli filmə baxıblar.
Sonda xatirə fotoşəkli çəkilib.
