Vətəndaş Həmrəyliyi Partiyasının (VHP) sədri, xalq şairi Sabir Rüstəmxanlı namizədliyini əvvəlcə 72 saylı Yardımlı-Masallı seçki dairəsindən irə sürsə də, sonradan fikrini dəyişib.
Yenisabah.az-a daxil olan məlumata görə, VHP sədri 61 saylı seçki dairəsindən deputat olmaq qərarına gəlib.
Məlumat üçün deyək ki, ötən seçkilərdə bu dairədən Arif Rəhimzadə deputat seçilib. Onun növbədənkənar parlament seçkilərinə qatılıb-qatılmayacağı hələlik məlum deyil.
Bu, hakim Yeni Azərbaycan Partiyasının (YAP) namizədlər siyahısını açıqlayandan sonra bəlli olacaq. Əgər siyahıda Arif Rəhimzadənin adı olacaqsa, o zaman Sabir Rüstəmxanlı ilə onun arasında gərgin mübarizənin şahidi olacağıq.
