Neftçala rayonunda bir qarış normal asfalt olmadığı halda, yol idarəsi müdiri və oğlu milyonçu kimi yaşayır
50 saylı Yol İstismar İdarəsi rəisi Füzuli Babayev rayonda çəkilməyən yolların pullarını silib.
Bunun nəticəsidir ki, F.Babayev nazir kimi yaşayır: biznes, mal-mülk, bahalı maşınlar, hər gün restoranlarda ziyafət…
Ancaq Azərbaycan Avtomobil Yolları Dövlət Agentliyi indiyə qədər Neftçala yol idarəsi rəisindən hesabat tələb etməyib.
Hazırda rayonun həm mərkəzi küçələri, həm ara yollarının asfaltı sakinlərin yadından çıxıb. Onlar sonuncu dəfə asfalt sovet dövründə görüblər.
Son dövrlərdə isə idarəyə pul ayrılmadığı üçün F.Babayev “kasıblayıb”.
İndi onun başı bahalı avtomobil kolleksiyası, evləri, asfalt zavoduna qarışıb.
İdarənin balansında olan karyerin qumunu, qrabilini idarənin avtomobilləri və şəxsi yük maşınları ilə imkanlı şəxslərə satır.Məsələn ara küçələrdə bir qarış asfalt olmadığı halda imkanlı şəxslərin dükanlarının qarşısını asfalt edərək Füzuli Babayev ticarətlə məşğul olur.
Əmək haqqısı 500 manat olan bir məmurun avtomobillərinə 150 min manat xərcləməsi Füzuli Babayev in sıradan bir korrupsioner olmadığına dəlalət edir.
Agentlik rəhbəri Saleh Məmmədov bu quruma rəhbərlik etdiyi dövrdən heç bir islahat, müsbət addım atmayıb. Hələ də rayonlarda yol istismar idarələri büdcə pullarını istismar etməkdədirlər.
S.Məmmədovun bu hallara göz yumması ya əlbir olduqlarından irəli gəlir, yaxud da ondan xəbərsiz maxinasiyalar reallaşır. Hərçənd, ikinci versiya inandırıcı görünmür.
KİV yazır ki, Füzuli Babayev in Bakı şəhərində 3 evi olduğu bildirilir. Prezident məmurlara dəfələrlə xəbərdarlıq etməsinə baxmayaraq, məmurlar korrupsiya və rüşvətdən əldə etdikləri pulla kasıb vətəndaşlara göz dağı verməkdə davam edirlər.
Bunun göstəricidir ki, Füzuli Babayev özünə və oğlu Ruslan Babayev ə hər ay bir maşın alır.Bir qayda olaraq Neftçala rayonunda həyata keçirilən yol təmir tikinti işlərinin tender satışı rayon icra hakimiyyəti vasitəsi ilə məhz Füzuli Babayev 50 saylı Yol İstismar İdarəsinə və ona məxsus MMC şirkətinə verilir.
Son 5 ildə 50 saylı Yol istismar İdarəsi milyonlarla manatlıq tenderin qalibi olub.
Bir çox tenderlərdə isə külli miqdarda dövlət vəsaitinin mənimsənildiyi dəfələrlə mətbuat orqanlarında işıqlandırılıb. Belə bir məmurun vəzifədə saxlanması büdcəyə xəyanətdir.
Ümumiyyətlə, S.Məmmədov yol istismar idarələrini ləğv edərək yeni sistem yaratmalıdır. Bu idarələr dövlətin pullarını şəxsi işlərinə xərcləyir. Odur ki, rayonlarda yollar bərbad gündədir
Gələn yazımızda Füzuli Babayevin idarə müdiri olmamışdan əvvəl Sədərək ticarət mərkəzində hansı ticarətlə məşğul olmasından nə satmasından yazı dərc edəcəyik.haqqinaz.org
