Hava Nəqliyyatında Baş Gömrük İdarəsində İnformasiya-kommunikasiya şöbəsinin rəisi Bəhruz Məmmədyarov, Gömrük prosedurları və maliyyə şöbəsinin rəis müavini Namazi Orucov, prosedurlar və maliyyə şöbəsinin rəis müavini Elnur Quliyev, yük inspektoru Cavid Abbasov, Karqo Terminalın post rəisi Rövşən Mahmudov, gömrük deklarantı İsmayıl adlı şəxs DGK-nın Əməliyyat və İstintaq Baş İdarəsi əməkdaşları tərəfindən rüşvətalma məlumatı ilə əlaqədar saxlanılıblar.

Reportyor.info xəbər verir ki, bloger Həbib Müntəzir işin üstünü bağlamaq üçün generalların işə əl atdığını yazıb. Onun sözlərinə görə, məlumatı saytlardan sildiriblər: “Sonra da Səfər Mehdiyev mətbuata çıxıb deyir ki, “Gömrükdə rüşvət və inhisarçılıq olarsa, istefa verəcəm”. Ver görək.

Bu arada İsmayıl Gömrük İdarəsində şöbə rəisi Ədalət Mehdiyevin bacısı oğludur. Hər ikisi də Hava Nəqliyyatında Baş Gömrük İdarəsinin rəisi Mehman Sadıqovun qohum və yaxınlarıdır. Bəhruz Məmmədyarov isə Sumqayıt Baş Gömrük İdarəsi rəis müavininin oğludur. Ölkəni ailə şirkəti kimi talayırlar, cəzalandırmağa gələndə isə işdən sıyrılıb, davam edirlər”.