Dnepr meri Boris Filatovun sözlərinə görə, şəhərdə bir qadın və onun üç yaşlı qızı ölüb.
Umanda yerli hakimiyyət orqanları bəzi binaları vuran raketlər nəticəsində 4 nəfərin öldüyünü, 17 nəfərin yaralandığını açıqlayıb.
“İnterfaks” agentliyinin məlumatına görə, Kremençuk və Poltava şəhərlərində də partlayışlar olub.
Ukrayna rəsmiləri paytaxt Kiyevə atılan 23 raketdən 21-nin və iki silahlı təyyarənin hava hücumundan müdafiə sistemləri tərəfindən vurulduğunu bildirib.
Hərbi rəsmilər Kiyevin son 51 gündə ilk dəfə raket hücumunun hədəfinə çevrildiyini qeyd ediblər. Şəhərdə ölən və ya yaralananların olub-olmadığı məlum deyil.
Rusiya hava hücumları Ukraynanın Qərb ölkələrinin verdiyi yeni tanklar və digər silahlarla yeni əks-hücuma hazırlaşdığı xəbərlərinin gücləndiyi bir vaxtda həyata keçirilib.
class=”medianet-inline-adv”>
Ukrayna rəsmiləri deyirlər ki, Rusiya qış əməliyyatında irəliləyiş əldə etməkdə çətinlik çəkir. Rusiya qüvvələri 10 aydır Bəhmut şəhərini nəzarət altına almağa çalışır.
