Röya Türkiyədə müalicə olunan qazilərimizi ziyarət etdi – Fotolar

Xalq artisti Röya Ayxan qaziləri ziyarət edib.

Reportyor.info xəbər verir ki, sənətçi Türkiyəyə müalicə üçün göndərilən yaralılara baş çəkib.

Bir müddətdir Türkiyədə yaşayan Röya sosial şəbəkə hesabında qazilərlə görüntülərini yayaraq, xalqa və dövlətə minnətdarlıq edib:

“Bu gün müalicə üçün Türkiyəyə gətirilən qazilərimizə baş çəkdim, çalışdım ki, onları yormadan bir az söhbət edim. İnanın, sağalmaq eşqi ilə ürəkləri döyünür. Mən çox ümidliyəm, onlar kimi… Əhval -ruhiyyələri də yüksəkdir. Ailələrinə sağlam şəkildə qovuşacaqları günü gözləyirlər. Onlara daim dəstək göstərən cənab Prezidentə, Birinci vitse-prezident Mehriban xanım Əliyevaya minnətdaram. Bu oğullarımız əmin əllərdədi. Üstəgəl xalq da ordusunun arxasındadır. Onların da dəstəyi danılmazdır. Vətəndaşlarımızın “YAŞAT” fonduna etdiyi ianələr sayəsində neçə igidlər sağlamlığına qovuşur! Hər kəsə minnətdaram”.