Yazıçı Samuel Consonun məşhur sözüdür: vətənpərvərlik əclafların son sığınacağıdır. Azərbaycanda 25 ildir ki, vətən, millət, Qarabağ şüarı altında karyerasını qoruyanlar var.
Onları mal varlığı, biznesi, ailəsinin komfort həyatı, firavanlığı və siyasi qarantiyası maraqlandırıb. Bunun üçün hər bir hiyləyə əl atanlar olub.
Bununla ictimai rəyi, dövləti, cəmiyyəti çaşdırmaq cəhdi heç də həmişə birmənalı qarşılanmayıb. Ölkənin politik təbəqəsi bisavad və “obıvatel” deyil.
Söhbət ondan gedir ki, son dövrlərdə bu məmur kontingentində olanlardan biri – Nəsimi rayon İcra Hakimiyyəti başçısı Asif Əsgərov oğlunu həbsdən xilas etdikdən sonra günahını “yumaq” üçün patriot taktikasına əl atmağa başlayıb.

      Anaxeber.Az-ın əldə etdiyi məlumatda iddia olunur ki, Nəsimi RİH başçısı A.Əsgərov övladı İlham Əsgərlinin ölümlə nəticələnən ağır yol qəzası törətdikdən sonra vətənpərvərliyi sığınacaq seçimi etməkdədir.
Paytaxtın mərkəzi rayonlarından birinə rəhbərlik edən A.Əsgərov oğlunun həbsxana hücrəsindən çıxarar-çıxarmaz cəbhə xəttinə səfərləri intensivləşdirdi.
Nə hikmətdirsə, cəbhəboyu bölgələrin, işğalda olan rayonların icra başçıları cəbhə xəttinə, səngərlərə getmirlər, görüşlər keçirmirlər, əsgərlərlə şəkil çəkdirmirlər, di gəl Bakının tən ortasındakı elitar rayonun icra başçısı hərbçilərimizə ürək qızdırır.
Nədənsə, Səbayel rayon icra başçısı olduğu dövrdə cəbhə xəttinə getməyən A.Əsgərov oğlunu müalicə adı ilə həbsdən çıxardıqdan sonra Nəsimi RİH rəhbəri olduğu dönəmdə səfərlərə ayaq açdı.
Mötəbər mənbələrdən sızan məlumatlara görə, siyasi hakimiyyətə yarınan, oğlunun qudurğanlığını ört-basdır etmək üçün hərbi hissələrə gedərək ölkə rəhbərliyinin gözünə “kül üfürməyə” cəhd edən icra hakiminin uğursuz cəhdləri puç olmaqdadır.
Çünki Bakının mərkəzi rayonlarının rəhbərləri cəbhə xəttinə getmirlər, əsgərlərlə görüşmürlər. A.Əsgərovun oğlunun məlum qəzasına qədər də bioqrafiyasında belə fəaliyyət olmayıb.
Ancaq elə ki, oğlu “Mcdonalds” restoranlar şəbəkəsi rəhbəri Maqsud Mirzəyevin övladı Sənanı yol qəzasında öldürüb, yolda buraxaraq gedib, özü vətənpərvər libasına bürünüb.
Nəsimi RİH-nin rəsmi saytında tez-tez A.Əsgərovun əsgərlərlə görüşü ictimailəşdirilir, piarı aparılır, düşmənlə üzbəüz dayanan kasıb övladlarına dəstək olduğu nümayiş etdirilir.
Bu səfərlərin alt mesajı, şüuraltı fəlsəfəsi və siyasi bazarlıq imitasiyası ondan ibarətdir ki, Nəsiminin icra başçısı həbsdən qurtardığı, əsgərliyə göndərmədiyi oğlunu diqqətdən kənarda saxlayır. Hərçənd, Paşinyan oğlunu ön xəttə göndərib – şou olsa da…

     Anaxeber.Az-ın media üzərindən verdiyi xəbərə görə, A.Əsgərovun Nəsimiyə icra hakimi təyin olunması yerli sakinlərə də düşərli olmayıb.
Onun boş gördüyü əraziləri peşkəş etməsi, yaşıllıqları genosid edərək iş adamlarına satması, rayona tarla kimi baxması, inkişaf üçün bir addım atmaması göz qabağındadır.
Nəsimi kimi şəhərin ən mərkəzi, mədəni hissəsi, elitar, kübar təbəqənin yaşadığı rayon indi bir icra başçısının cəngində can verməkdədir.
Məsələn, bu günlərdə vətəndaşlardan biri etiraz səsini ucaldıb: Bakı şəhəri Nəsimi rayonu, Liteyni döngə, ev 5 ünvanında yaşayan I qrup əlil Bəşirova Nişanə Faiq qızı BakuNews.az-a üzləşdiyi problemlə bağlı məlumat verib.
Məlumatda bildirilir ki, ARÇİKO MMC əlilin yaşadığı mənzildə ciddi qəza vəziyyətinin yaranmasına səbəb olub.
Sitat: “Mənim ölümümdə bilavasitə günahkar ARÇİKO MMC-nin rəhbərliyi və Nəsimi rayon İcra Hakimiyyətinin başçısı Asif Əsgərovdur”.
Şikayətçinin bildirdiyinə görə özünü ARÇİKO MMC-nin rəhbəri kimi təqdim edən Məhəmməd Musayev Nişanə Bəşirovanın mənzilinin sökülməsi müqabilində ona iki ədəd 2 otaqlı mənzil və əlavə olaraq 50 min manat pul təklif edib.
Hətta əlil xanıma mənzilindəki əşyaların qablaşdırılmasını da deyən MMC rəhbəri N.Bəşirovanın evinin qarşısındakı yardımçı binanın dam örtüyünü də sökdürüb.
I qrup əlil olan şikayətçinin bildirdiyinə görə mənzilində yaranan qəzadan sonra əksər hallarda evdə gecələmirlər.
Başqa bir yeni fakta diqqət edək: Nəsiminin keçmiş başçısı ilə əlbir olan iş adamı Fədai İmanov son bir neçə il ərzində müxtəlif tikinti şirkətləri təsis edərək, bu ad altında ərazidə onlarla binalar inşa edib.
Onun apardığı tikinti ərazilərində demək olar ki, yaşıllıqlar kütləvi şəkildə qırılıb və bu hadisə ərazidə yaşayan sakinlərin haqlı narazılığına səbəb olub.
Sakinlər “yaşıl terroru”la bağlı müxtəlif instansiyalara, eyni zamanda KİV-nə müraciətlər ünlayıblar. Amma buna baxmayaraq, Fədai İmanovla bağlı heç bir tədbir görülmür.
Yəni, indiki icra başçısı da məsələnin üstündən sükutla keçir. Görünür ki, maraqları təmin olunub.
Bir sözlə, Nəsimi kimi şəhərin mərkəzi rayonuna işləyən, reputasiyası təmiz, kənd təsərrüfatı naziri İnam Kərimov imicinə yaxın kadr təyin olunmalıdır. Çünki Nəsimi Bakının gözüdür, ürəyidir, şəhərin əsas rayonudur…
Anaxeber.Az