Qarabağ qazisi, 20 yanvar əlili, Azərbaycanın və Çeçenistanın fəxri Arif Məhərrəmov Moskvada soydaşlarımızla çeçenlər arasında baş verən davadan təəssüflənərək, xalqlarımızı barışığa səsləyəcək bəyanat vermişdi. Çeçenistanın Milli Qəhrəmanı və paytaxt Qroznının ilk fəxri vətəndaşı adını alan igid döyüşçü Arif Məhərrəmov onun bəyanatına səs verənlərə minnətdarlıq edib, Rusiyada yaşayan peşəkar jurnalistimiz Fuad Abbasovun əməyini yüksək qiymətləndirib. O, həmçinin Azərbaycan, çeçen və türk xalqlarının qardaş olduğunu, heç zaman da ayrılmayacağını dilə gətirib.
Arif Məhərrəmov ölkəmizin adını dünyada layiqincə təmsil edən, dünya çempionumuz, Zabit Səmədova da dərin minnətdarlığını bildirib. Qeyd edək ki, Arif Məhərrəmov bütün bunları bəyanatdan sonrakı video müraciətində deyib.
Mehman Nəbiyev
Discussion about this post