Rusiya Prezidenti Vladimir Putinlə Belarusun dövlət başçısı Aleksandr Lukaşenko Uzaq Şərqdə görüşəcək.

Reportyor.info xəbər verir ki, bunu V.Putinin mətbuat katibi Dmitri Peskov aprelin 11-də jurnaslitlərə açıqlamasında bildirib.

Onun sözlərinə görə, prezidentlər Ukrayna ətrafındakı vəziyyəti və ikitərəfli əlaqələrə dair məsələləri müzakirə edəcəklər: “Görüşün sonunda hər hansı sənədin imzalanması planlaşdırılmır”.

Peskov əlavə edib ki, Rusiya və Belarus prezidentləri Şərq kosmodromuna baş çəkəcək və onun gələcək inkişafını müzakirə edəcəklər. Mətbuat katibinin sözlərnə görə, görüş iki hissədən ibarət olacaq, Vladimir Putinlə Aleksandr Lukaşenko günü birinci yarısı Mokvada görüşəcək, ikinic yarısı isə Blaqoşeşşenskdə keçiriləcək.

Kremlin sözçüsü bir müddət əvvəl bildirmişdi ki, Rusiya və Belarus prezidentləri aprelin 12-də kosmanvtika günü Amur vilayətində Şərq kosmodramuna baş çəkəcəklər.