Müdafiə sənayesinə doğru yeni addım Polşadan atılıb. ABŞ-a 3 günlük səfər çərçivəsində Merilend ştatındakı Texnologiya və Aviasiya şirkəti Lockheed Martin-ə gedən Polşa baş nazirinin müavini və milli müdafiə naziri Mariuş Blaşçak açıqlama verib.
Blaşçak bildirib ki, bu ilin sonunda Polşada HIMARS çoxmərhələli yaylım atəşi mərkəzi yaradılacaq.
Bir çox Avropa ölkəsinin HIMARS reaktiv yaylım atəş sistemi ilə maraqlandığını ifadə edən Blaszczak, mərkəzin təkcə Polşanın deyil, digər Avropa ölkələrinin də istehsal nöqtəsinə çevrilməsini hədəflədiklərini bildirib.
Texnologiya və Aviasiya şirkəti Lockheed Martin-in rəhbərləri ilə görüşdüyünü bildirən Blasczak, şirkətin Polşa müdafiə sənayesi ilə əməkdaşlığa hazır olduğunu açıqlayıb. Blaşçak bildirib ki, ABŞ Polşanın müdafiə sənayesinin inkişafı sahəsində əməkdaşlığa da zəmanət verib.
2019-cu ildə sözügedən HIMARS reaktiv yaylım atəşi sistemlərini sifariş etdiklərini bildirən Blaszcak, bu il HIMARS çoxlu yaylım atəş sistemlərinin 18-ci Mexanikləşdirilmiş Diviziyaya təhvil veriləcəyini bildirdi.
Polşalı nazir həmçinin 500 yeni HIMARS sifarişi ilə bağlı ABŞ Dövlət Departamenti və Konqres rəsmiləri ilə danışıqların davam etdiyini bildirib.
ABŞ rəsmiləri ilə Polşada Javelin lazerlə idarə olunan tank əleyhinə raketlərin istehsal planını müzakirə etdiklərini bildirən nazir, “Ukraynada özünü doğrultmuş bu raketlərə Polşa və digər Avropa ölkələrində ehtiyac kifayət qədər yüksəkdir. .”
