“Əgər Bakı müharibəyə hazırlaşırsa, biz niyə sülhə hazırlaşmalıyıq?”. Publika.az xəbər verir ki, bu iddia ilə Ermənistanın baş naziri Nikol Paşinyan parlamentin xüsusi iclasında çıxış edib.
Onun sözlərinə görə, Azərbaycan müharibədən danışdığı halda Ermənistan hakimiyyəti güzəştlər haqqında danışmağı yanlış hesab edir.
“Əgər Azərbaycan müharibə variantını əsas götürürsə, Ermənistan niyə sülhə hazırlaşmalıdır. Biz danışıqların konstruktivliyinə tərəfdar olacağıq, lakin heç vaxt adekvatlılığı itirməyəcəyik. Biz bir dəfə qalib gəlmişik, qalibiyyət ruhu gələcək qələbələrə də inam yaradır”, – deyə Paşinyan Azərbaycanı müharibə ilə hədələyib.
Azərbaycanın işğal olunmuş Dağlıq Qarabağ bölgəsində yaradılan qondarma rejimin danışıqlarda tərəf kimi iştirakını israrla istəyən Ermənistanın baş naziri Nikol Paşinyan bu arzusunu absurd “arqument”lə əsaslandırıb.
Paşinyan keçmiş prezidentlər Robert Koçaryan və Serj Sarkisyanın danışıqlarda Qarabağı “təmsil” etməsinin doğru olduğunu, lakin özünün buna haqqının çatmadığını bildirib.
“Robert Koçaryan Ermənistana gəlməmişdən əvvəl Qarabağın “prezidenti” idi. Sarkisyan isə Qarabağda “özünümüdafiə dəstələrinin rəhbəri” olub. Onlara Qarabağın adından danışıqlarda iştirak etmək mandatına sahib idi. Lakin mənim buna haqqım çatmır”, – deyə Paşinyan öz istəyini belə asaslandırmağa çalışıb
Discussion about this post