…üzümü həmişə göylərə tutdum,
getmədim mən üzü hər kəsə doğru.
…40 ildi göylərdən səs eşidirəm,
40 ildi gedirəm o səsə doğru.
…bir səsdi hey gəlir göyün heçindən!
Mən səs tanımıram o səs biçimdə,
ən gözəl səs odur səslər içində.
…40 ildi gedirəm o səsə doğru.
Eh, məni o səsin yönü çağırır…
Bir səsdi, bu ömrü- günü çağırır!
…ilhamın səsidi- məni çağırır;
40 ildi gedirəm o səsə doğru.
***
Onda təzə-təzə şer yazırdım,
gələn biz tərəfə şerə gəlirdi.
…şer biz tərəfdə nazlı pəriydi,
Ay da axşamüstü seyrə gəlirdi.
…qara padşahın da vaxtı keçmişdi,
Xan qızı sarayda qısır gəzirdi.
…onda nə şah idim, nə şahın oğlu
amma şah qələmim qızıl kəsirdi.
…onda şairlərin qızıl dövrüydü,
onda nağılından aşığı doğru.
…onda təzə-təzə şer yazırdım
amma nə şah idim nə şahın oğlu.
Paşa Talıblı
