Pakistanın Belucistan əyalətində yerləşən Qvadar şəhərində bir neçə naməlum silahlı şəxs beşulduzlu “Pearl Continental” otelinə hücum edib.
Azərtac “Dawn” qəzetinə istinadla xəbər verir ki, bu barədə İslam Respublikasının hüquq-mühafizə orqanları məlumat yayıb.
Hazırda otelin ərazisi polis tərəfindən mühasirəyə alınıb, atışmanın davam etdiyi bildirilir. İlkin məlumata əsasən, otelə hücumda 3-4 silahlı iştirak edir.
“Pakistan Today” nəşrinin yaydığı informasiyaya görə, otel binasında azı 70 mülki şəxs, o cümlədən 40 Çin vətəndaşı var. Hələlik həlak olan və yaralananlar barədə məlumat verilmir.
