Türkiyədən çarter reysi ilə gətirilən tələbələrin Naxçıvanda saxlanıldığı şəraitin görüntüsü yayılıb. Reportyor.info xəbər verir ki, 250 tələbə Naxçıvanda Duzdağı adlanan yerdə az qala kazarma şəraitində saxlanılır.
Bildirilir ki, heç bir karantin qaydalarına əməl olunmayıb, yoxlama olmayıb. Tələbələr Naxçıvana keçmək üçün günlərlə soyuqda çöldə qalıblar.
Qeyd edək ki, martın 25-nə keçən gecə AZAL Moskva və Londondan iki reys yerinə yetirərək, 151 nəfər Azərbaycan vətəndaşını vətənə qaytarıb.
Xatırladırıq ki, ölkəyə qayıdan hər bir vətəndaş tibbi müayinədən keçməli və karantinə yerləşdirilməlidir. Vətəndaşların ölkəyə qayıtması tarixləri Azərbaycan Respublikasının Nazirlər Kabineti yanında yaradılmış operativ qərargahın apardığı hazırlıq işlərinə uyğun olaraq təyin edilir.
