Ekologiya və Təbii Sərvətlər Nazirliyi ötən gün Naxçıvan şəhərində güclü yağış yağması ilə bağlı açıqlama verib.
Reportyor.info-nun məlumatına görə, Xidmətin Proqnozlar Bürosunun direktoru Gülşad Məmmədova bildirib ki, dünən axşam və bu gecə Naxçıvanda leysan xarakterli yağış yağıb, şimşək çaxıb, dolu düşüb:
“Düşən yağıntının miqdarı Naxçıvanda 37 mm (aylıq normanın 94%-i), Şahbuzda 5 mm, Ordubadda 2 mm-dək olub”.
O qeyd edib ki, ötən gün saat 18:40 radələrində Naxçıvanda diametri 6 mm olan dolu düşüb:
“Ötən gün Naxçıvanda qərb küləyi arabir 20 m/s-dək güclənib. Havanın temperaturu Bakıda iqlim normasından 3 dərəcə yuxarı olub. Havanın maksimal temperaturu Bakıda və Abşeron yarımadasında 30 dərəcəyədək isti, Naxçıvanda 28 dərəcəyədək isti, dağlıq rayonlarda 22-26 dərəcə isti, yüksək dağlıq ərazilərdə 11 dərəcəyədək isti, aran rayonlarında 33 dərəcəyədək isti olub”.
