ABŞ-ın “USS Gerald R. Ford” təyyarədaşıyan gəmisi NATO üzvü Norveçin paytaxtı Osloya gəlib. Bildirilir ki, gəmi və heyəti yaxın günlərdə ölkə sahillərində Norveç ordusu ilə birgə təlimlər keçirəcək. Norveç ordusundan verilən açıqlamada gəmilərə təyyarə gəmisindən 500 metr aralıda qalmaları ilə bağlı xəbərdarlıq edilərkən, təyyarə gəmisinin yerləşdiyi ərazi üzərində “uçuşa qadağan zona” yaradıldığı bildirilib.
Norveçin Birgə Qərargahının sözçüsü Conni Karlsen, “Bu səfər ABŞ və Norveç arasında sıx ikitərəfli münasibətlərin və kollektiv müdafiə və çəkindirmənin etibarlılığının mühüm əlamətidir” dedi.
RUSİYADAN REAKSİYA
Rusiyanın Oslodakı səfirliyindən verilən açıqlamada ABŞ təyyarədaşıyan gəmisinin Osloda yanaşmasına reaksiya verilib. Bəyanatda, “Şimalda (Arktikada) hərbi həll tələb edən heç bir problem və ya xarici müdaxilənin zəruri olduğu bir vəziyyət yoxdur. Nəzərə alsaq ki, Rusiya Norveçə birbaşa hərbi təhlükə törətmir, bu cür güc nümayişi ağlabatan deyil və etiraz doğurur”. Norveç ordusu və onun NATO-dakı müttəfiqləri Baltik dənizində “Şimal axını” boru kəmərlərində baş verən partlayışlardan sonra payızdan bəri dənizdəki neft və qaz platformaları ətrafında patrul edir.
