Xətai Rayon Məhkəməsində narkotik maddələrin qanunsuz dövriyyəsində təqsirləndirilən baş redaktor Şəfəq Ağabalayevanın (Ağacan) barəsində seçilmiş həbs qətimkan tədbirinin ev dustaqlığı ilə əvəz olunması barədə müraciətinə baxılıb.

“Report”un xəbərinə görə, Şəfəq Ağacanın müraciəti təmin olunmayıb.

Qeyd edək ki, Xətai Rayon Məhkəməsinin qərarı ilə Şəfaq Ağacanın barəsində 3 ay müddətinə həbs qətimkan tədbiri seçilib. İttihama görə, Şəfəq Ağacan paytaxtın Nərimanov rayonu ərazisində narkotik maddə olan marixuananı satarkən yaxalanıb.

Hüquq-mühafizə orqanlarının əməkdaşları onun üzərinə baxış keçirərkən ondan satmaq məqsədilə bükülmüş halda olan narkotik maddə aşkar edərək götürüb.

Şəfəq Ağacan kimi tanınan Şəfəq Ağabalayeva Bakupress.az saytının təsisçisi və baş redaktorudur.