Müsavat Partiyasının üzvü, həkim Zakir Xəlilov vəfat edib. Reportyor.info xəbər verir ki, bu barədə Müsavat Partiyasının başqanı Arif Hacılı məlumat yayıb.
Partiya sədri qeyd edib ki, həkim koronavirus pandemiyasının qurbanı olub: “Zakir Xəlilov bərpa olunduğu dövrdən Müsavat Partiyasının üzvü, Azərbaycanda demokratik cəmiyyətin qurulması uğrunda mübarizənin fəal iştirakçısı idi. Təcilli yardımda çalışırdı. O, koronavirusa yoluxan xəstələrin həyatını xilas etmək naminə öz həyatını itirən ilk Azərbaycan həkimidir. Allah rəhmət eləsin”.
Qeyd edək ki, 67 yaşlı Zakir Xəlilov Yasamal təcili tibbi xidmət xəstəxanasının həkimidir. Koronavirusa yoluxduqdan sonra bir həftədən artıq reanimasiya şöbəsində müalicə alıb, lakin onun həyatını xilas etmək mümkün olmayıb.
