Bu gün Müasir Müsavat Partiyasının mərkəzi qərargahında rayon və şəhər təşkilatların sədrləri və Siyasi Şuranın üzvlərinin iştirakı ilə geniş toplantı keçirilib.
Bu barədə Mia.az-a MMP mətbuat xidmətindən məlumat verilib. Məlumatda bildirilir ki, toplantıda özlərini müxalifət adlandıran qrupların xalqa qarşı etdikləri növbəti xəyanət və yanvarın 20-də Əli Kərimlinin həyata keçirdiyi təxribatçı şou müzakirə edilib. Bildirilib ki, Əli Kərimli hakimiyyətdə təmsil olunan bəzi şəxslər tərəfindən öyrədilərək orataya atılıb və Prezidentə qarşı xəyanət planını icra etdirirlər. Bununla bağlı şəhər və rayon təşkilatlarının sədrlərinə, Siyasi Şura üzvlərinə sənəd və sübutlar təqdim olunub. Müzakirədən sonra bu barədə İdarə Heyəti tərəfindən qərarlar qəbul olunub.
İdarə Heyəti belə qərara alıb ki, Əli Kərimlinin son 20 ildə Azərbaycanın maraqlarına cidd fəaliyyət göstərib və fəaliyyətin ifşa olunması zəruridir. O istər xaricdəki, istərsə də hakimiyyətin içindəki bəzi qüvvələrlə işbirliyinə girərək, Prezidentin əleyhinə qərəzli kampaniya aparır. Qərara alınıb ki, Əli Kərimlinin kimlərin əlinə oynaması və xəyanətkar əməlləri barədə Prezidentə yazılı şəkildə müraciət olunsun.
Bundan əlavə, Əli Kərimlinin xəyanətkar fəaliyyəti ilə bağlı ictimaiyyətə də geniş məlumat verilməsi varədə də qərar qəbul olunub. Bu gündən etibarən Əli Kərimli və onun yaxın ətrafı ilə bağlı maarifləndirmə işi qapı-qapı prinsipi ilə icra olunacaq. Bu istiqamətdə əsas səlahiyyət MMP sədri Hafiz Hacıyevə verilib.
Sabahdan partiya sədri, eləcə də MMP-nin səlahiyyətli nümayəndələri yerlərdə vətəndaşları bu istiqamət maarifləndirəcəklər.
