Azərbaycan Milli Məclisinin növbəti plenar iclasının tarixi və gündəliyi müəyyənləşib.
“Report”un məlumatına görə, dekabrın 18-də keçiriləcək növbəti iclasın gündəliyinə 15 məsələ daxildir.
Bunlar Azərbaycan dövlətinin bir sıra beynəlxalq tərəfdaşlarla imzaladığı sənədlərin ratifikasiyası, Mənzil, İnzibati Xətalar, Seçki məcəllələrində, “Avtomobil yolları haqqında”, “Azərbaycan Respublikası Milli məclisinin komitələri haqqında”, “Sığorta fəaliyyəti haqqında” və sair qanunlara dəyişikliklər, o cümlədən “Azərbaycan Respublikasının Dövlət Gerbi haqqında”, “Azərbaycan Respublikasının Dövlət Himni haqqında” qanun layihələridir.
