Millət vəkili Qənirə Paşayeva ADA Universitetinin Tələbə Şurası və “Aprel şəhidləri 2016: şəhid ailələrinə dəstək” İctimai Birliyinin şəhid polkovnik-leytenant Raquf Orucovla bağlı birgə təşkil etdiyi anım tədbirində iştirak edib.
Reportyor.info xəbər verir ki, millət vəkili çıxışında gəncləri Azərbaycan həqiqətlərinin yayılmasında fəal olmağa çağırıb.
Q.Paşayeva Aprel zəfərini xalqımıza yaşadan qəhrəman şəhidlərin qarşısında baş əyib və Aprel zəfərinin ölkəmiz üçün böyük önəmindən danışıb.
Qəhrəman komandir, polkovnik-leytenant Raquf Orucovu yaxından tanıdığını deyən millət vəkili onun haqqında geniş çıxış edib, qəhrəmanlıq yolundan danışıb və gəncləri Raquf Orucov kimi qəhrəmanlardan örnək götürməyə çağırıb.
Q.Paşayeva ali təhsil ocaqlarında və orta məktəblərdə də bu cür tədbirlərin keçirilməsinin vacibliyini xüsusilə vurğulayıb:
“Böyüyən gənclərimizin bu qəhrəmanlarımızı tanıması üçün hər birimiz fəal olmalıyıq. Bizim üçün müstəqil Azərbaycandan dəyərli heç nə ola bilməz. Ölkəmizin inkişafı istiqamətində gənclərin üzərinə böyük vəzifələr düşür. Dövlətin, millətin inkişafı gənclərə bağlıdır. Azərbaycanın güclənməsi xalqımızın güclənməsi deməkdir. Tələbələr dil bilgilərindən yararlanaraq Azərbaycanın haqq səsini sosial media vasitəsi ilə dünyaya daha fəal çatdırmalıdırlar”.
.jpg)
Discussion about this post