MİKAYIL CABBAROV 58 NƏFƏRİ İŞDƏN ÇIXARDI – Aralarında yüksək vəzifəlilər də var + ADLAR

Vergilər naziri Mikayıl Cabbarovun əmri ilə 58 nəfər vergi orqanları əməkdaşları tutduğu vəzifələrdən azad edilib. İxtisarlar nazirin apardığı vergi islahatları çərçivəsində olub. Yeni nazir sahibkarları incidən vergi əməkdaşlarından xilas olmaq üçün qeyd edilən addımı atıb.

Mikayıl Cabbarovun əmri ilə işdən azad olunanların arasında keçmiş nazir Fazil Məmmədova yaxınlığı ilə tanınan Vergilər Nazirliyi yanında Bakı şəhəri Kiçik Sahibkarlıqla İş Departamentinin Baş direktoru Səməd Vəliyev və digər şəxslər də var. Bu şəxslər həm də sahibkarları incitməklə ad çıxarıblar.

İşdən çıxarılan yüksək vəzifəlilərin siyahısını təqdim edirik:

Murad Əliyev – Vergilər Nazirliyi yanında Milli Gəlirlər Departamenti Baş direktorunun müavini,

Həmid Zeynalov – Vergilər Nazirliyi yanında Bakı şəhəri Lokal Gəlirlər Departamenti Baş direktorunun müavini,

Asif Muradzadə – Vergilər Nazirliyi yanında Bakı şəhəri Lokal Gəlirlər Departamentinin digər xidmət fəaliyyəti ilə məşğul olan vergi ödəyiciləri ilə iş idarəsinin direktoru vəzifəsinin səlahiyyətlərinin müvəqqəti icraçısı – idarə direktorunun müavini,

Vüsal Sevdimalıyev – Vergilər Nazirliyi yanında Bakı şəhəri Kiçik Sahibkarlıqla İş Departamenti Ticarət fəaliyyəti ilə məşğul olan vergi ödəyiciləri ilə iş idarəsinin direktoru,

Emin Şahgəldiyev – Vergilər Nazirliyi yanında Bakı şəhəri Kiçik Sahibkarlıqla İş Departamenti İstehsal fəaliyyəti ilə məşğul olan vergi ödəyiciləri ilə iş idarəsinin direktoru. (Demokrat.az)