DÇ-2022-nin qrup mərhələsinin 3-cü turunda Polşaya qarşı oyun (2:0) cənubi amerikalıların superulduzu Lionel Messi üçün əlamətdar olub.
Reportyor.info xəbər verir ki, dünya birinciliklərində 22-ci oyununu keçirən 35 yaşlı hücumçu mütləq rekordçuya çevrilib.
O, Argentina yığmasının mərhum əfsanəsini – mundiallarda 21 görüşdə oynamış Dieqo Maradonanı geridə qoyub.
Qeyd edək ki, Polşanı yenən Argentina xal hesabını 6-ya çatdıraraq lider qismində pley-offa yüksəlib. Messi bu qarşılaşmanın 38-ci dəqiqəsində penaltini qola çevirə bilməyib.
