Dörd könüllü ABŞ-ın Texas ştatının ən böyük şəhəri və kosmos tədqiqatları mərkəzi olan Hyustonda Qırmızı Planet simulyasiyasında 12 ay keçirəcək. İştirakçılar avadanlıqların nasazlığı və su məhdudiyyətlərindən tutmuş bir sıra sürprizlərlə qarşılaşacaqlar. Onların xarici aləmlə əlaqəsi Marsla Yer arasında olduğu kimi bir istiqamətdə 20 dəqiqə, qarşılıqlı olaraq isə 40 dəqiqə olacaq. “Mars Dune Alpha” adlandırılan yaşayış sahəsi yataq otaqları, idman zalı, ümumi sahələr və əkinçilik üçün kiçik fermadan ibarətdir. 160 kvadratmetrlik struktur 3D printer vasitəsilə hazırlanıb. Komanda həmçinin qırmızı qumla örtülmüş açıq sahədə Marslıların gedişini təqlid edəcək.
‘ORADA OLDUĞUMUZ KİMİ EDƏCƏK’
52 yaşlı bioloq Kelly Haston Qırmızı Planetdə həyat təcrübəsini geri sayaraq bütün prosesi “Biz oradayıq kimi göstərəcəyik” sözləri ilə yekunlaşdırıb. Komanda ailələri ilə yalnız e-poçt və nadir hallarda video zəng vasitəsilə əlaqə saxlaya biləcək. Qrupun digər üzvləri mühəndislər, tibb bacıları və həkimlərdir. ABŞ-da həm NASA, həm də İlon Maskın SpaceX şirkəti 2030-cu illərin sonlarında Marsa ilk insan səfərini etməyi hədəfləyir.
