“Azov” alayının hərbçiləri blokadaya alınmış Mariupolda əks-hücum keçirib.
Reportyor.info bu haqda Unian-a istinadla xəbər verir.
“Mariupolun müdafiəsi davam edir. Düşmənin üstün qüvvələrinə baxmayaraq, “Azov” alayının döyüşçüləri əks-hücum keçirir”, – alayın Teleqram mesajında deyilir.
“Belə bir iş var – rus zir-zibilini məhv etmək. Mariupoldakı “Azov” alayı bu işin öhdəsindən əla gəlir. Videoda “Azov”çuların basqını yer alıb”, – “Azov”un komandiri Maksim Jorin deyib.
Xatırladaq ki, Mariupol martın 1-dən mühasirədədir. Şəhərdə su, işıq, istilik, rabitə yoxdur. Rusiyanın genişmiqyaslı işğalından və işğalçıların blokadasından sonra çoxu şəhərdə qalan qohumlarını tapa bilmirlər. Dəfn etməyə kimsəsi olmayan ölülər kommunal xidmətlər tərəfindən kütləvi məzarlıqlarda basdırılır. Yaşayış binalarının həyətlərində və şəhərin küçələrində də qəbirlər peyda olub.
Aprelin 15-də Ukrayna Müdafiə Nazirliyinin spikeri Oleksandr Motuzyanik Mariupolda İliç zavodunun yaxınlığında və liman ərazisində aktiv döyüşlərin getdiyini bildirib. Rus işğalçıları hücum üçün daim əlavə birliklər cəlb edir, lakin Mariupolu tam ələ keçirə bilmirlər.
Azov alayının komandirinin müavini Kalina Mariupolun blokadadan çıxarılmasının mümkün olduğunu deyib. O, əlavə edib ki, şəhərin müdafiəçiləri döyüşür və ölkənin hərbi-siyasi rəhbərliyinin qətiyyətli addımını gözləyir.
Rusiyanın tammiqyaslı işğalı başlayandan bəri ukraynalı müdafiəçilər Rusiyanın davamlı atəşi nəticəsində yaranan humanitar fəlakət qarşısında Mariupolda üstün düşmən qüvvələri ilə döyüşürlər.
Alpər
Discussion about this post