İspaniya millisinin və Kataloniya “Barselona”sının yüksələn ulduzu Lamin Yamalın yeni sevgilisinin adı məlum olub.
Modern.az xəbər verir ki, Ermənistanın bəzi KİV-ləri xarici mediaya istinadən Lamin Yamalın uzun müddətdir Kataloniyada yaşayan erməni model Alisa Petrosyanla sevgili olduğu barədə məlumat yayıb.
Erməni jurnalistlərin yaydığı məlumatlarda məşhur futbolçunun Alisa Petrosyanla ilişkisindən qürürlandıqları hiss olunur.
İspaniya millisinin futbolçusu Lamin Yamal bu yaxınlarda Almaniyada keçirilən Avropa çempionatının xüsusi mükafatına layiq görülüb. O, Avro-2024-ün ən yaxşı gənc oyunçusu seçilib.
17 yaşı yenicə tamam olan Yamal xüsusən Avro-2024-ün yarımfinal matçında Fransanın qapısına uzaqdan vurduğu fantastik qolla yadda qalacaq.
Lamin Yamal İspaniya doğumlu, Afrika mənşəli futbolçudur. O, 2007-ci il iyulun 13-də İspaniyanın Kataloniya əyalətindəki Esplugues de Llobregat şəhərində anadan olub.
Anası Şeyla Ebana İspaniyaya Afrikadakı ən kiçik ölkələrdən biri olan Ekvatorial Qvineyadan gəlib.
Futbolçunun atası Mounir Nasraoui də Afrika mənşəlidir, o İspaniyaya Mərakeşdən gəlib.
Lamin Yamal mənşəcə Ekvatorial Qvineya və Mərakeş qarışığıdır.
Lamin 4 yaşından futbol oynamağa başlayıb. O, 6 yaşında “Barselona”nın diqqətini cəlb edib. 2014-cü ildə “Barselona”nın futbol akademiyasında məşqlərə başlayıb və bu nəhəng kluba qoşulub.
