Amerikalı məşhur aktyor, “Pis oğlanlar”, “Mən-Sem”, “Müəmmalı çay” kimi filmlərin ulduzu Şon Pennin yeni sevgilisi var.
Reportyor.info xəbər verir ki, Hollivud ulduzu yeni münasibətə başlayıb və seçdiyi xanımla birlikdə ilk dəfə ictimaiyyət qarşısına çıxıb.
Məlum olub ki, 64 yaşlı aktyorun yeni sevgilisi özündən 34 yaş kiçik moldovalı aktrisa Valeriya Nikovdur. Cütlük ilk dəfə birlikdə ictimai tədbirdə görünərək münasibətlərini rəsmən təsdiqləyib. Onlar Mərakeşdə keçirilən Beynəlxalq Kino Festivalında iştirak ediblər. Paparatsilər cütlüyün birgə fotolarını çəkərək sosial mediada yayıblar.
Şon Penn tədbirə tünd göy rəngli klassik kostyum, ağ köynək və qalstukla qatılıb. 30 yaşlı Valeriya Nikov isə sərbəst dizaynlı, açıq dekolteli zərif qara libasda göz oxşayıb.
Festivalda cütlük birlikdə iştirakı ilə artıq bir neçə aydır yayılan şayiələri təsdiqləyib. Onlar qırmızı xalçada bir-birinə yaxın münasibətlərini açıq şəkildə nümayiş etdirib və fotokameralar üçün birgə pozalar veriblər. Buna baxmayaraq, nə Şon Penn, nə də Valeriya Nikov rəsmi şəkildə münasibətləri barədə açıqlama verib.
Xatırladaq ki, cütlük haqqında ilk dəfə sentyabr ayında söz-söhbət yaranmışdı. Həmin vaxt Şon Penn və Valeriya Nikov Madrid, İspaniya küçələrində əl-ələ tutaraq gəzərkən və ehtiraslı öpüşərkən görüntülənmişdi. Lakin aktyor münasibətləri təsdiqləməmişdi. İndi isə onların birlikdə tədbirə qatılması şayiələri reallığa çevirib.
