Bu fikirləri “Ölkə.Az”-a açıqlamasında Müasir Müsavat Partiyasının sədri, prezidentliyə namizəd Hafiz Hacıyev bildirib.
Hafiz Hacıyev iddia edir ki, Baş nazirin müavini Əli Həsənov radikal müxalifətə onun haqqında kompramat materiallar ötürür:
“Məndə dəqiq faktlar var ki, bu gün “Qaçqınkom” adlanan komitənin sədri Əli Həsənov xaricdə gizlənən təxribatçılara və müxalifət saytlarına haqqımda yalan və təxribatçı materiallar ötürür, sifariş verdirir. Mən bu barədə debatlarda da fikrimi söyləmişəm. Yenə də söyləyəcəm. Baş nazirin müavini Əli Həsənov prezidentə və xalqa xəyanət edir, dövlətin pullarını mənimsəyərək ailə üzvlərini milyonerə çevirib. Qaçqın və məcburi köçkünlərin pullarını yemək olmaz. Bunu edən gec-tez cəzasını almalıdır”.
Hafiz Hacıyev qeyd edib ki, “Kanal 1” internet saytında yayılan səs yazısı ona məxsus deyil:
“Həmin səs yazısını montajdır, quramadır. Məni bu cür yollarla mübarizəmdən geri çəkindirmək istəyirlər. Bunun başında da Baş nazirin müavini Əli Həsənov dayanır. Çıxışlarımda onu ifşa etdiyim üçün məni ləkələməyə çalışır”.
Prezidentliyə digər namizəd Razi Nurullayevin prezident seçiləcəyi təqdirdə Pakistandan nüvə silahı alacağı ilə bağlı fikirlərinə də toxunan Hafiz Hacıyevin sözügedən çıxışları “nağıl” adlandırıb:
“Bilirsiniz, xalqa bu cür nağılları danışmaq lazım deyil. Pakistan heç özü nüvə silahının harada gizlədildiyini bilmir. O silahlardan istifadə etməkdə Pakistan ixtiyar sahibi deyil. İndi Razi bəy necə Pakistandan nüvə silahı alacaq? Gərək danışanda fikirlərin nağıla bənzəməsin”.
Zaur Əziz
Ölkə.Az
