Əməkdar artist Lalə Məmmədova efirdə dövlət başçısı İlham Əliyev tərəfindən şəhərin mərkəzində ona bağışlandığı 3 otaqlı evdən söz açıb.
Reportyor.info Bizim.Media-ya istinadən xəbər verir ki, bu haqda sənətçi qonaq olduğu “Xəbərin var?” maqazin verilişində danışıb.
Lalə ona mənzil hədiyyə edən Prezidentə dərin minnətdarlığını bu sözlərlə ifadə edib:
“Bu həyatımda çox böyük işıqlı səhifədir. Bu haqda nə qədər danışsam azdır. Dövlət başçımız mənim kiçik yaradıcılığımı qiymətləndirib. O bilirdi ki, mənim evə çox böyük ehtiyacım var. Artıq neçə illər idi ki, valideyinlərimlə birgə yaşayırdım. 3 il bundan əvvəl ad günüm ərəfəsində Cənab Prezidentimiz və Birinci vitse-prezident Mehriban xanım mənə ev hədiyyə etdilər. Hətta mənzilimin təmir olunmasını da öz öhdəliklərinə götürdülər. Nə desəm belə onlara olan minnətdarlığımı ifadə edə bilməyəcəyəm. Evin çox gözəl aurası var. Evimə daxil olan hər kəs bunu hiss edir. İki qızımla yeni bir mərhələyə addımladıq. O evdə hər kəsin yeri məlum oldu. Rahat olduq. Elə bil mənə dedilər ki, get indi rahat məşğul ol yaradıcılığınla. Mən də “Darıxmışam” albomunu və klipləri təqdim etdim. Bir sənətçinin öz küncünün olması çox vacibdir. Ona qədər köçəri həyat yaşayırdım, iynə üstündə idim. Bunu evi olmayan insanlar çox gözəl anlayar”.
