“Bütün gözləntilərin növbəti ilin büdcə zərfi ilə reallaşdırılması qeyri-mümkündür”.
Reportyor.info xəbər verir ki, bunu Milli Məclisin iclasında İqtisadi siyasət, sənaye və sahibkarlıq komitəsinin sədri Azər Əmiraslanov deyib.
Deputat bildirib ki, iqtisadiyyatın şaxələndirilməsi üçün böyük layihələr nəzərdə tutulur:
“Lakin etiraf etmək lazımdır ki, bütün gözləntilərin gələn il üçün təqdim olunan büdcə zərfi vasitəsilə reallaşdırılması qeyri-mümkündür. Nəzərə almalıyıq ki, büdcə prosesi sadəcə bir illə məhdudlaşmır, davamlı, uzunmüddətli xarakter daşıyır. Bu səbəbdən də təkmilləşməyə məruz qalır. Bu illər ərzində belə bir təkmilləşmə üçün uzun bir yol qət edilib”.
