“Hayastan” blokunun bir qrup deputatı dünən Qarabağa gedib”.
“Hraparak” nəşri dünən – avqustun 11-i axşam saatlarında yaydığı, lakin az sonra təkzib etdiyi məlumatı bu gün – avqustun 12-i səhər saat 07:15-də təsdiqləyib.
Erməni nəşri yazır ki, bu ilin yazında Fərruxdakı yüksəkliklərin Azərbaycan ordusu tərəfindən azad edilməsindən sonra baş vermiş insidentin, yəni bir qrup deputatın Laçın keçid məntəqəsindən geri qaytarılmasının təkrarlana biləcəyi qorxusuna rəğmən Ermənistan parlamentinin üzvləri bu dəfə dövlət sərhədimizdən maneəsiz keçiblər.
Ötən gün terrorçu eks-prezident Robert Köçəryanın lideri olduğu “Hayastan” bloku üzvlərindən öncə digər terrorçu eks-prezident Serj Sərkisyanın liderlik etdiyi “Şərəf duyuram” fraksiyasının üzvü Tiqran Abramyanın da Qarabağa yollandığı bildirilir .
Azərbaycan torpağına daxil olan hay deputatlar arasında Aqnessa Xamoyan, Aram Vardevanyan, Aqvan Vardanyan, Anna Qriqoryan, Artur Sarkisyan var. Onların Zabuğa və Laçın şəhərinə səfərləri nəzərdə tutulub. Son məlumata görə, artıq Köçəryan tərəfdarları Zabuxdakı qanunsuz hay “meri” Andranik Çavuşyanla görüşüb söhbət ediblər.
“Bu gün onlar Xankəndində görüşlər keçirəcək. Lakin deputatlar səfərin təfərrüatlarını açıqlamamağa çalışır. Yəqin ki, əngəl yaradılmasından qorxurlar” – sonda “Hraparak” belə yazır.
Zəruri sual:
Belə çıxır ki, bu dəfə Rusiyanın Laçındakı keçid məntəqəsindəki hərbçiləri Ermənistan deputatlarını Zabuxa, Laçın şəhərinə və Xankəndində maneəsiz buraxıblar. Görəsən, niyə?.. Laçın və Zabuxdakı qanunsuz məskunlaşmış hayların çıxarılmalı olduğu bir ərəfədə bu, revanşist və faşist xislətli erməni dairələrinin təxribatlarına dəstək deyilmi?..
Discussion about this post