Mayın 18-dən SMS-lə icazə almaq sisteminin ləğvi və kafelərin, parkların açılması paytaxtda həyatı canlandırıb.
Xüsusən şəhərin mərkəzi qaynayır və insanlar sərt karantin rejimindən çıxandan sonra parklara, meydanlara axışıblar.
Reportyor.info-nun əməkdaşının apardığı müşahidələrə görə, Bakının mərkəzi Nizami küçəsi, Fəvvarələr meydanı, Sahil bağı insanlarla doludur.
Əhaliyə sosial məsafəni gözləmək tövsiyə edilsə də, buna əməl etməyənləri görmək olar. Eyni zamanda kafe-restoranlar insanlarla doludurlar. Sanki insanlar müharibədən çıxıblar.
Müxbirimizin verdiyi xəbərə görə, əsasən “Torqovı” kimi tanınan mərkəzi küçədə izdiham müşahidə edilir. Şəhər sakinlərinin heç də hamısı tibbi maska taxmaq, təmasdan qaçmaq kimi qaydalara riayət etmirlər. Halbuki, yoluxmanın artmaması üçün sosial izolyasiyaya əməl olunması vacibdir.
REPORTYOR.info
